Ardora 2

Siguimos averándonos al diseñu de xeres con Ardora, nesti casu vamos facer actividaes d'estes estayes:

1. Actividá del grupu d'actividaes de rellacionar pallabres, tipu 1:1



2. Actividá del grupu d'actividaes de rellacionar pallabres, tipu rellacionar frases.



3. Actividá del grupu d'actividaes de rellacionar pallabres, tipu rellacionar imaxen-frase.



4. Actividá del grupu d'actividaes d'iguar (II), tipu iguar pallabres.



5. Actividá del grupu d'actividaes d'iguar (II), tipu iguar imáxenes.



6. Actividá del grupu d'actividaes d'iguar (II), tipu iguar párrafos.
7. Actividá del grupu d'actividaes enllenar, tipu pallabres con sílabes.
8. Actividá del grupu d'actividaes enllenar, tipu testos con pallabres arrastrando.
9. Actividá del grupu d'actividaes iguar (I), tipu pallabres.
10. Actividá del grupu d'actividaes iguar (I), tipu imáxenes.
11. Nueva páxina multimedia: galería d'imáxenes, web 2.0.

Y pa rematar, vamos a utilidaes, paquete d'actividaes Ardora.

Ardora 1

Ardora ye una ferramienta empobinada a los enseñantes cola que podemos diseñar actividaes interactives en formatu html. Podemos facer hasta 45 tipos estremaos d'actividaes.

L'autor d'Ardora ye José Manuel Bouzán, y tola información y actualizaciones d'esta ferramienta podéis atopala na so web:

WEBARDORA

Na web anterior podéis descargar la cabera versión del programa na seición descargar.

Amás ye conveniente qu'enantes de facer nada con Ardora actualicéis la versión de Java del vuesu ordenador. Podéis facelo dende l'enllaz siguiente:

Actualizar Java

Tres les operaciones descrites podéis echar a furrular Ardora, namás arrancando l'archivu descargáu, ensin instalación denguna, pues el programa ye prtable dafechu, podéis executalu tamién dende un llapiceru de memoria.

Pa entamar vamos diseñar unes xeres, pa lo que veremos les operaciones básiques pal diseñu d'actividaes d'estes clases:

1. Actividá del grupu d'actividaes con gráficu, tipu álbum.


2. Actividá del grupu d'actividaes con gráficu, tipu panel gráficu.


3. Actividá del grupu de xuegos de pallabres, tipu sopa de lletres.


4. Actividá del grupu de páxines multimedia, tipu pestañes/acordiones.

Crear un álbum de semeyes

Los pasos pa facer un álbum de semeyes podemos resumilos en:

1. Acceder cola nuesa cuenta en Google, y entrar na estaya nomada mi cuenta, dende la que son accesibles delles ferramientes on line de Google (ente elles Blogger).


2. Entrar en Álbunes web de Picasa.


3. Calcar nel botón subir y abrirase un ventanu dende'l que podemos crear un nuevu álbum.


4. La siguiente operación consiste en xubir les semeyes o imáxenes que nos pete.


5. Enllenamos el formulariu colos datos del nuevu álbum, y continuamos hasta atopar un botón que nos convida a amestar les imáxenes.


6. Xubimos les imáxenes dende'l discu duru, llapiceru de memoria, cámara dixital...


7. Cuando la galería se terminó de crear copiamos la direición que nos apurre la barra de navegación del navegador, y yá la podemos enxertar nel nuesu blog calcando nel botón d'enllace y apiegando la direición d'enantes.

Álbum exemplu

Fotos de los neños

Enxertar un vidiu de Youtube

Los pasos pa enxertar un vidiu colgáu de Youtube son:

1. Dir a la gueta en Youtube d'un vidiu interesante.


2. Cuando tengamos el vidiu escoyíu buscar un ventanucu que diz insertar.


3. Copiar el códigu que vien nel ventanucu.


4. Entamar una entrada nueva nel blog.


5. Calcar na pestaña edición html, y apiegar el códigu.

Enxertar un llibru ellectrónicu nel blog

Los pasos a siguir son los que darréu:

1. Entrar na nuesa cuenta de Issuu.
2. Empobinase a my library.
3. Dir nel menú de la nuesa llibrería virtual a published pa ver los llibros que tenemos colgaos.
4. Esbillar el documentu que queremos enxertar nel blog, y calcar nel menú superior na etiqueta embed.
5. Escoyer los adornos que queremos pal nuesu llibru ellectrónicu, calcar en blogger y xenerar el códigu.
6. Copiar el códigu dir a una nueva entrada en blogger, calcar n'edición html y apiegar el códigu.
7. Lleer el llibru ellectrónicu.

Facer el llibru ellectrónicu

Pa que'l nuesu PDF pase a ser un llibru ellectrónicu hai que siguir estos pasos:

1. Entrar na web de ISSUU y rexistrase. Issuu ye una web 2.0 que permite "colgar" los nuesos PDF y camudalos nun formatu Flash que simula un llibru o revista ellectrónicos. Tien una limitación de 100 Megues 0 500 fueyes por archivu. El primer pasu sedrá rexistraxe pa lo que calcaremos en Sign up, y enllenaremos un cenciellu formulariu.


2. Una vegada rexistraos, accedemos a la nuesa cuenta n'Issuu dende Log in.


3. Vamos a xubir el PDF, pa lo cual calcaremos nel botón marcáu com Upload document. Abriráse un ventanu pa qu'escoyamos nel discu duru o n'otru soporte l'archivu que queremos xubir. Ye importante que completemos tol formulariu.


4. Pa rematar calcamos upload file.


5. Cuando'l documentu xuba dafechu apaecerá una pantalla con una interfaz qu'imita una estantería, con unos menús a la manzorga na que tán los documentos que xubimos y el so estáu.


6. Calcamos nel documentu que queremos ver y veremos un botón open na parte d'abaxo, que nos da accesu al llibru ellectrónicu.

Facer un PDF

Darréu van los pasos pa crear un documentu en PDF, sofitu pa poder facer un llibru ellectrónicu que dempués colgaremos na Rede:

1. Necesitamos un documentu en formatu "doc" (fechu con Word)


2. Baxamos d'Internet la ferramienta pa camudar documentos DOC al formatu PDF, hai delles, anque nós emplegaremos PDFCreator, que ye llibre, de baldre y ye mui amañosa nel manexu. Calca equí pa entamar la descarga.


3. Instala'l programa descargáu.


4. Abre'l programa Word y l'archivu que quieras camudar en PDF.


5. Vete a: archivu, emprentar; ellí nel ventanucu qu'ufierta les impresores escueyi la nomada PDFCreator, dempués aceuta. Nel siguiente pasu PDFCreator presentará les opciones del nuevu documentu, una vegada enllenaes, guarda'l documentu col nome que te pete. Asina fina la creación del PDF.

Abrir enllaces nuna ventana nueva

Si queréis que tolos enllaces del blog abran una ventana nueva, namás tenéis que copiar esti códigu y ponelu dempués de head . Entráis en Diseño, edición html, buscáis head (con CTRL F) y xusto dempués apegáis esto:

base target="_blank" / (tien que tar ente estos signos <> ún al entamu y l'otru a lo cabero ensin espacios)

Guardáis los cambios na plantilla y llisto.

Duldes

Casu de tener dalguna DULDA o nun ser quienes a salir d'un enguedeyu, nun perdáis el tiempu, escribíi un comentariu equí debaxu cuntando qué vos da problemes y trartaré d'echavos una mano p'alcontrar la solución. Preguntái.

Amestar un contador de visites

El más cenciellu, y con poques posibilidaes:


1. En diseñu añade un elementu nuevu de clase html.


2. Entra en http://freelogs.com/


3. Enllena'l formulariu.


4. Copia'l códigu xeneráu.


5. Edita la plantilla del blog y entra nel elementu nuevu creáu al principiu.


6. Pon un títulu.


7. Apiega'l códigu, y nun escaezas guardar.



Una opción más completa ye rexistrase y dase d'alta nun serviciu de baldre de cuntadores de visites, un bon exemplu ufiértalu ADEMAILS, y una vegada istaláu ufre un serviciu mui completu d'estadístiques del tráficu de la nuesa páxina.


En dambos casos hai que consiguir neses fueyes web un códigu que tenéis que copiar y apiegar, nun nuevu elementu que amestaréis a la vuesa páxina, na seición diseño, elementos de la página, añadir gadget del tipu html.


Otra opción interesante ye poner un gadget por exemplu esti que tenéis calcando equí: widgeo.net

Amestar llista d'etiquetes

Podemos iguar el nuesu blog en seiciones (etiquetes) pa ello tenemos que escribir la seición o etiqueta a la que pertenez cada entrada nueva nel ventanu qu'hai debaxu de la caxa de testu, cuando tengamos delles podemos facer más cenciellu esti procesu, estirando'l caxón d'etiquetes gracies al botón mostrar todo. Tamién podemos planificar la espublización d'una entrada (manexando la fecha) y permitir comentarios o non a la mesma calcando nel testu opciones de entrada qu'atoparéis a la manzorga de la caxa d'etiquetes

En diseñu nel apartáu amestar un nuevu elementu de páxina, escoyemos Etiquetes, editamos, ponemos un títulu y llistará les etiquetes que tengamos.

Xeres 12 de Payares

Una vegada que tenemos iguada la plantía pola que nos decidimos vamos enguapar daqué'l blog pa ello vamos axuntar dalgunos gadgets a la barra de la mandrecha:

1. Asitiar un enllace con imaxen que nos lleve dafechu al DALLA.


2. Poner una llista d'enllaces a los blogs de los collacios del cursu.


3. Allugar un gadget con un reló.


4. Poner un gadget con una presentación de semeyes del nuesu colexu.

Códigu pa ocultar barra

Copiar y apiegar esti códigu en: diseñu, edición de html y xusto enantes de la llinia que pon body.

#navbar-iframe {opacity:0.0;filter:alpha(Opacity=0)}#navbar-iframe:hover {opacity:1.0;filter:alpha(Opacity=100,FinishedOpacity=100)}

10 de Payares: Camudando la plantía

Una vegada que tenemos el blog ye momentu de dexalu amañosu y enguapalu. Pa ello hai que dir a la pestaña diseñu, y dir amestando los elementos de páxina, escoyendo los colores y camudar de plantía si nos peta.
La rede ta enllena de páxines qu'ufren de baldre bayura de diseños pa blogger, tamién conocíos como templates.
Nes direiciones que van darréu tienes dellos exemplos:

http://www.giselejaquenod.com.ar/blog/blogger-templates/

http://btemplates.com/blogger-templates

http://mashable.com/2007/09/13/blogger-templates/

http://freshbloggertemplates.blogspot.com/

http://designs.bloggerbuster.com/

http://blogandweb.com/templates-blogger/

Namás hai que descargales, y cargales na pestaña diseñu. Al entamu lo meyor ye conformase con un diseñu de los que vienen en Blogger, y nun enguedeyase muncho col asuntu.

10 de Payares: Sesión 1

Creando'l blog.
Lo qu'hai que facer:

• Crear una cuenta en Google, pa ello calca equí.
• Dempués siguir los tres pasos pa crear el nuesu blog: meter los datos, escoyer el nome pal blog y escoyer un diseñu (plantía), ente les que Blogger ufierta. Nun entretenese muncho colo de la plantía porque vais camudala por otra más afayadiza.